ڀارتي رياست پنجاب جي علائقي ڀٽنڊا ۾ ملٽري اسٽيشن جي اندر فائرنگ جي نتيجي ۾ 4 فوجي مارجي ويا.
ڀارتي ميڊيا رپورٽس موجب، فائرنگ جو واقعو ڀٽنڊا ۾ ملٽري اسٽيشن جي ڪينٽين ۾ پيش آيو.
ڀارتي دفاع واري وزارت جو چوڻ آهي ته فائرنگ بعد جوابدار فرار ٿي ويا، جوابدارن جي ڳولا جاري آهي، حملي ڪندڙ وٽ بارودي مواد موجود هو.
ڀارتي ميڊيا دعويٰ ڪئي آهي ته فائرنگ ڪندڙ پوليس اهلڪار آهي جنهن ڪوارٽر گارڊ کان هٿيار کسيا هئا.
واقعي بعد علائقي کي سيل ڪيو ويو آهي ۽ ملٽري اسٽيشن جي اندر ۽ ٻاهر سرچ آپريشن ڪيو پيو وڃي.
پوليس جو چوڻ آهي ته ڀٽنڊا ملٽري اسٽيشن ۾ فائرنگ جو واقعو دهشتگرد جو حملو نه آهي ۽ حالتون ڪنٽرول ۾ آهن.
