ڀارت ۾ هڪ سک جج جهيڙي جي ڪيس ۾ هڪ جوابدار کي 21 ڏينهن تائين باقائده پنج وقت نماز ادا ڪرڻ جي سزا ٻڌائي آهي.
ڀارتي رياست مهاراشٽر جي ماليگائون جي هڪ عدالت مارڪٽ ۽ جهيڙو ڪرڻ تي جوابدار کي نماز پڙهڻ جو حڪم ڏنو.
مئجسٽريٽ تيجونت سنگهه سنڌو پنهنجي فيصلي ۾ 30 سالن جي جوابدار رئوف عمر خان کي اِهو به چيو ته هو ويجهي مسجد ۾ پنهنجن عملن جي ڪفاري طور ٻه ٻوٽا پوکي ۽ پوءِ وري انهن جي سار سنڀال به لهي.
مئجسٽريٽ حڪم ڏنو ته ضلعي جو هڪ زرعي آفيسر عدالتي حڪم تي عمل ڪندي نگراني ڪندو ۽ ضرورت پوڻ تي پوليس فورس جو پڻ استعمال ڪيو ويندو.
جج جو چوڻ هو ته جوابدار تي الزام ٿابت ٿي ويو آهي، سزا جو مقصد کيس اِهو سمجهائڻ آهي ته جيئن هو ٻيهر اهڙو ڏوهه نه ڪري.
عدالت موجب جوابدار اعتراف ڪيو ته هو هڪ ايماندار مسلمان آهي ۽ مٿس نماز فرض آهي پر وقت جي کوٽ سبب هو نماز نٿو پڙهي سگهي، جنهنڪري کيس حڪم ڏنو ويو ته هو پنج وقت نماز ادا ڪري.
