چونڊڪو ويجهو ٻيڙي اونڌي ٿيڻ سبب نارا ڪينال ۾ ٻڏي ويل 6 ڄڻن مان هڪ نينگر جو لاش هٿ ڪيو ويو.
ڳوٺ جمال الدين ڀرسان سومر ڏينهن ناري ڪينال ۾ ٻڏي ويل 6 ڄڻن مان هڪ نينگر بخش علي شر جو لاش هٿ اچي ويو.
پوليس نينگر جو لاش پاڻي مان ڪڍرائي اسپتال منتقل ڪيو، جتان ضروري ڪارروائي بعد مڙهه وارثن حوالي ڪيو ويو.
ٻڏي ويل 5 ڄڻن جي ڳولا جاري آهي، جڏهن ته ٽئين ڏينهن به ڪوبه سرڪاري ڪامورو متاثرن ڏانهن لڙي نه آيو آهي.
