چين، سي پيڪ تحت گوادر کان ڪاشغر تائين 58 ارب ڊالر جي ريلوي لائن وارو هيل تائين جو سڀ کان وڏو منصوبو پيش ڪري ڇڏيو.
پرڏيهي ميڊيا موجب چين جي بيلٽ اينڊ روڊ انيشيٽو جي مهانگي ترين منصوبي جي فزيبلٽي رپورٽ تيار ڪئي وئي آهي.
رپورٽ موجب تجويز ڪيل منصوبو واپار ۽ جيو پوليٽڪس کي نئين شڪل ڏيڻ جي صلاحيت رکي ٿو، ريل لنڪ قديم سلڪ روڊ ڪنيڪشن جي بحال ڪرڻ جي وسيع تر منصوبي جو حصو آهي، ريل لنڪ اولهه جي اثر وارن رستن تي ڀاڙڻ گهٽ ڪرڻ جو منصوبو آهي.
رپورٽ موجب مهانگي ترين منصوبي جي لاڳت 58 ارب ڊالر اٿيندي، 18 سئو 60 ميل ڊگهي ريلوي سسٽم گوادر کي سنڪيانگ جي شهر ڪاشغر سان ملائيندو.
چيني ماهرن موجب حڪومت ۽ مالياتي ادارا منصوبي لاءِ مضبوط سهڪار فراهم ڪندي لاڳاپيل ملڪي کاتن وچ ۾ سهڪار وڌائڻ گهرجي.
