چيني پرڏيهي وزير چن گانگ عهدو سنڀالڻ بعد ٻن ڏينهن جي دوري تي اڄ پاڪستان پهچي رهيو آهي.
چيني پرڏيهي وزير چن گانگ اڄ کان پاڪستان جو ٻن ڏينهن جو دورو ڪندو.
پرڏيهي آفيس جي ترجمان جو چوڻ آهي ته بلاول ڀٽو زرداري جي دعوت تي چيني پرڏيهي وزير پاڪستان جو سرڪاري دورو ڪري رهيو آهي.
ترجمان موجب، عهدو سنڀالڻ بعد چيني پرڏيهي وزير جو اهو پاڪستان جو پهريون دورو آهي هو اڄ اسلام آباد پهچندو.
پرڏيهي آفيس جي ترجمان جو چوڻ آهي ته اسلام آباد ۾ ٻنهي ملڪن جي پرڏيهي وزيرن جي گڏيل سربراهي ۾ پاڪ چين اسٽريٽجڪ ڊائيلاگ ٿيندو جڏهن ته سمورن شعبن ۾ ٻه طرفي لاڳاپن، علاقائي ۽ عالمي معاملن تي خيالن جي ڏي وٺ ٿيندي.
ترجمان موجب، ٻئي ڌريون موسمي اسٽريٽجڪ ڪو آپريٽو پارٽنر شپ کي جٽادار مدي ۾ واڌ ڪنديون، پاڪستان ۽ چين وچ ۾ گهڻ رخي سهڪار لاءِ روڊ ميپ تيار ڪيو ويندو.
