چين ۾ ڪڪڙين کي ڊيڄاري مارڻ جي ڏوهه ۾ هڪ شخص کي جيل موڪليو ويو آهي، مٿس الزام آهي ته هن پاڙيسري کان بدلو وٺڻ لاءِ اها حرت ڪئي.
پرڏيهي ميڊيا رپورٽس موجب چين جي هڪ گو نالي شخص کي پنهنجي پاڙيسريءَ جي 1100 ڪڪڙين کي ڊيڄاري مارڻ جي ڏوهه ۾ جيل موڪليو ويو.
ميڊيا رپورٽس موجب، اهو تڪرار ان وقت شروع ٿيو جڏهن جوابدار جي پاڙيسري بنا اجازت وڻ ڪٽي ڇڏيا، بدلو وٺڻ لاءِ جوابدار رات جي اونداهي ۾ فليش لائيٽ جي مدد سان ڪڪڙين کي ڊيڄاريندو هو جنهن سان ڪڪڙين ۾ ڀاڄ پئجي ويندي هئي ۽ ڪڪڙيون مري وينديون هيون.
رپورٽ موجب، جوابدار گو ڪاوڙ ۾ پاڙيسري جي زمين تي قبضو ڪرڻ جي چڪر ۾ اڳ به 500 ڪڪڙيون ماري چڪو هو ۽ کيس ڏنڊ به ادا ڪرڻو پيو هو پر هو ان کانپوءِ به نه مڙيو ۽ ٻئي ڀيري 600 ڪڪڙين کي ماري ڇڏيو.
جوابدار گو ۽ سندس پاڙيسري جو اهو تڪرار 2022ع کان هلي رهيو هو جنهن ۾ عدالت جوابدار گو کي سزا ڏيندي جيل موڪلي ڇڏيو.
