چين جي راڄڌاني بيجنگ ۾ اسپتال اندر باهه لڳڻ سبب 29ڄڻا سڙي فوت ٿي ويا، جڏهن ته پوليس 12شڪي ماڻهن کي حراست ۾ وٺي جاچ شروع ڪري ڇڏي آهي.
گذريل ڏينهن بيجنگ جي چينگ فينگ اسپتال جي انپيشنٽ شعبي ۾ باهه لڳي وئي هئي جنهن بعد مريضن جا وارث اسپتال پهچڻ شروع ٿي ويا.
برطانوي خابرو اداري جي رپورٽ موجب متاثر اسپتال ۾ داخل مريضن جي وارثن جو چوڻ هو ته 7کان 8 ڪلاڪ گذرڻ باوجود کين مريضن بابت ڪجهه نه پيو ٻڌايو وڃي، باهه لڳڻ سبب جي ميڊيا ذريعي ڄاڻ ملي.
باهه واري واقعي جي هڪ ڏينهن بعد ميڊيا کي بريفنگ ڏيندي اختيارين جو چوڻ هو ته شروعاتي جاچ مان معلوم ٿيو آهي ته باهه لڳڻ جو واقعو اسپتال ۾ مرمتي ڪم شروع ٿيڻ بعد پيش آيو.
پوليس وپاقعي بابت جاچ لاءِ اسپتال جي ڊائريڪٽر، ڊپٽي ڊائريڪٽر ۽ مرمتي ڪم ڪرڻ واري فورم جي سربراهه سميت 12 ڄڻن کي حراست ۾ ورتو ويو آهي.
ريسڪيو اختيارين جو چوڻ آهي ته باهه لڳڻ بعد اسپتال مان 70 ڄڻن کي ريسڪيو ڪيو ويو هو.
