چڪ ڀرسان جتوئي جاگيراڻي تڪرار تان هٿياربندن هٿان هڪ ڄڻو قتل ٿي ويو

چڪ ڀرسان جتوئي جاگيراڻي تڪرار تان هٿياربندن هٿان هڪ ڄڻو قتل ٿي ويو.

جتوئي جاگيراڻي تڪرار تان جتوئي برادري جي هٿياربندن بڙ لنڪ روڊ تي فائرنگ ڪئي.

هٿياربندن جي فائرنگ ۾ الهه ڏنو پٽ عبدالرزاق جاگيراڻي  ٿڏي تي ئي مارجي ويو.

واقعي جي اطلاع بعد حد جي پوليس پهچي وئي، جنهن دوران هٿياربندن سان فائرنگ جي ڏي وٺ پڻ ٿي.

پوليس مارجي ويل جو لاش کڻائي ضروري ڪارروائي لاءِ اسپتال منتقل ڪيو.

پوليس موجب واقعو پراڻي تڪرار تان پيش آيو آهي، وڌيڪ جاچ ڪئي پئي وڃي.