آءِ بي اي يونيورسٽي جي پروفيسر ڊاڪٽر اجمل ساوند جي قتل ۽ قبيلائي جهيڙن خلاف جي ڊبليو سي طرفان ڪراچيءَ ۾ احتجاجي مظاهرو ڪيو ويو.
جي ڊبليو سي طرفان ڪراچي پريس ڪلب اڳيان پروفيسر اجمل ساوند جي قتل ۽ قبيلائي جهيڙن خلاف احتجاجي مظاهري ۾ اجمل ساوند جي ڀاءُ طارق ساوند، اديبن، شاعرن ۽ صحافين جي شرڪت ڪئي.
جي ڊبليو سي جي مظاهري ۾ وڪيل، انساني حقن جا اڳواڻ، سول سوسائٽيءَ جا نمائندا شريڪ ٿيا.
ان موقعي تي احتجاجي مظاهري کي خطاب ڪندي اڳواڻن چيو ته پروفيسر ڊاڪٽر اجمل ساوند جو قتل سنڌ جي شعور جو قتل آهي.
هنن چيو ته قبيلائي جهيڙن سبب روزاني انساني جانيون ضايع رهيون آهن.
اڳواڻن چيو ته بااثرن جي پٺڀرائي سبب قبيلائي جهڙن ۾ ملوث ڪردارن خلاف ڪنهن به قسم جي ڪارروائي نه ٿي رهي آهي.
هنن چيو ته قبيلائي جهيڙن سبب سنڌ ۾ امن امان مڪمل طور تباهه ٿي چڪو آهي.
سندس چوڻ هو ته قبيلائي جهيڙن جي آڙ ۾ سنڌ جي شعور پروفيسر اجمل ساوند کي بيگناهه قتل ڪري ظلم جي انتها ڪئي وئي آهي.
اڳواڻن مطالبو ڪيو ته پروفيسر اجمل ساوند جي قتل ۾ ملوث جوابدارن کي گرفتار ڪري عبرت جو نشانو بڻايو وڃي ۽ قبيلائي جهيڙن جي پٺڀرائي ڪندڙ ڪردارن جي وائکو ڪيو وڃي.
