سوال پسند نه اچڻ تي امريڪا جي اڳوڻي صدر ڊونلڊ ٽرمپ صحافي کان موبائل فون کسي جهاز مان لاهي ڇڏيو.
پرڏيهي خابرو اداري موجب اهو واقعو ڊونلڊ ٽرمپ جي مارچ ڪڍي ويل چونڊ مهم ريلي بعد پيش آيو، ٽرمپ صحافي جي سوالن تي مٿس ڪاوڙجي پيو.
ٽرمپ ۽ صحافي وچ ٿيل ڳالهه ٻولهه جي ريڪارڊنگ وينيٽي فيئر ۽ واشنگٽن پوسٽ حاصل ڪري ورتي آهي.
وينيٽي فيئر موجب، امريڪي صحافي وان هليارڊ اڳوڻي امريڪي صدر ٽرمپ کي چيو ته مين هٽن جي ڊسٽرڪٽ اٽارني ايلون بريگ جي جاچ مان مايوس لڳي رهيو آهي، جنهن تي ٽرمپ صحافي کي خبردار ڪيو ته وڌيڪ سوال نه ڪري پر ان باوجود وان هليارڊ جي طرفان جاچ بابت وڌيڪ سوال پڇيا جنهن تي ٽرمپ صحافي کي ڇنڊ پٽيندي چيو ته هو جواب نه ٿو ڏيڻ چاهي.
وينٽي فيئر جي رپورٽ موجب، ٽرمپ صحافي کي چيو ته سٺو ماڻهو نه آهي جنهن بعد رپورٽر هڪ ٻيو سوال ڪرڻ جي ڪوشش ڪئي ته امريڪي صدر عملي کي رپورٽر کي جهاز مان لاهڻ جو چئي ڇڏيو .
ميڊيا رپورٽ موجب ان ڳالهه ٻولهه دوران ٽرمپ صحافي هليارڊ کان 2 موبائل فون کسي هڪ طرف اڇلائي ڇڏيا.
