امريڪا جي عدالت اڳوڻي صدر ڊونلڊ ٽرمپ کي عورت صحافي ۽ ڪالم نگار جين ڪيرول سان جنسي بدسلوڪي ۾ ملوث قرار ڏئي ڇڏيو آهي.
جين ڪيرول الزام هنيو هو ته اڳوڻي صدر ڊونلڊ ٽرمپ 27سال اڳ جنسي زيادتي جو نشانو بڻايو هو، عورت جي عمر ان وقت 52سال هئي.
جين ڪيرول نيورڪار ۾ عدالت سامهون پيش ٿي بيان ڏنو ته ڊونلڊ ٽرمپ ڊپارٽمينٽل اسٽور جي ڊريسنگ روم ۾ زيادتي جو نشانو بڻايو هو ۽ جڏهن هن حقيقت ماڻهن کي ٻڌائي ته ٽرمپ ڪوڙ ڳالهائي سندس زندگي تباهه ڪري ڇڏي.
پرڏيهي ميڊيا رپورٽس موجب نيويارڪ جي عدالت ڊونلڊ ٽرمپ کي جين ڪيرول سان جنسي بدسلوڪي ۾ ملوث قرار ڏنو آهي ۽ ان جي نتيجي تي به پهتي آهي ته اڳوڻي صدر جين ڪيرول جي شهرت کي به نقصان پهچايو پر واضح ڪيو ويو آهي ته ٽرمپ جنسي زيادتي نه ڪئي هئي.
عدالت حڪم ڏنو ته اڳوڻي صدر ٽرمپ جين ڪيرول کي 50 لک هرجاڻو ڏئي.
فيصلي تي رد عمل ڏيندي امريڪا جي اڳوڻي صدر ڊونلڊ ٽرمپ ڪيس کي وچ هنٽ قرار ڏنو ۽ چيو ته هو ان عورت کي سڃاڻي ئي نه ٿو ته اها عورت آهي ڪير ؟
رپورٽس موجب سول ڪيس هجڻ سبب اڳوڻي صدر تي نه فرد جرم لاڳو ڪئي وئي آهي ۽ نه ئي کيس جيل جو منهن ڏسڻو پوندو.
واضح رهي ته ڪيرول ئي نه پر درزن کان وڌيڪ عورتون اڳوڻي امريڪي صدر ڊونلڊ ٽرمپ تي جنسي زيادتي ۾ ملوث هجڻ جو الزام لڳائي چڪيون آهن.
