مڪاني ادارن واري صوبائي وزير سيد ناصر شاهه چيو آهي ته ڊونلڊ ٽرمپ پاڪستاني هجي ها ته سندس حاضري به عمران خان جيان عدالتي دروازي تي لڳي وڃي ها.
جاري ڪيل بيان ۾ ناصر شاهه چيو ته پاڪستان ۾ جنهن پي ٽي وي تي حملو ڪرايو، پارليامينٽ جو تقدس پائمال ڪرايو ۽ پوليس تي حملو ڪيو اهو آزاد آهي، ڊونلڊ ٽرمپ ڪيپيٽل هل تي حملو ڪرايو ته اهو جيلن ۾ آهي.
هن چيو ته پاڪستاني ٽرمپ جا ادارن ۾ مددگار موجود آهن پر آمريڪي ٽرمپ سهولتڪارن کان محروم آهي، آمريڪي ٽرمپ پنهنجو پيسو سياست ۽ پاڪستان ٽرمپ سياست ۾ چندي ۽ خيرات جا پيسا استعمال ڪيا.
ناصر شاهه چيو ته دنيا ۾ ٽي ٽرمپ پيدا ٿيا، هڪ آمريڪا، ٻيو عمران خان جي شڪل ۾ پاڪستان ۽ ٽيون مودي ڀارت ۾ آهي، ٽئي ٽرمپ نفرت، ڀڃ ڊاهه ۽ ڪوڙ تي ٻڌل سياست شروع ڪئي.
صوبائي وزير چيو ته آمريڪي ٽرمپ گرفتار ٿيو، ان کانپوءِ پاڪستاني ۽ پوءِ ڀارتي ٽرمپ جو وارو ايندو.
