ڊي جي رينجرز سنڌ ميجر جنرل اظهر وقاص ڪراچي شهر جي مختلف علائقن جو دورو ڪري شهادت حضرت علي عليه اسلام جي موقعي تي سڪيورٽي انتظامن جو جائزو ورتو.
رينجرز ترجمان طرفان جاري ڪيل پڌرائي موجب، ميجر جنرل اظهر وقاص مختلف امام بارگاهن ۽ جلوس جي روٽن جو جائزو ورتو.
ان موقعي تي سيڪٽر ڪمانڊرز پاران ڊي جي رينجرز کي سڪيورٽي بابت بريفنگ ڏني وئي.
ڊي جي رينجرز سنڌ ميجر جنرل اظهر وقاص ضابطا اخلاق تي عمل ڪرڻ کي يقيني بڻائڻ جي هدايت ڪئي.
ڊي جي رينجرز حڪم ڏنو ته ضابطا اخلاق تي عمل کي يقيني بڻايو وڃي ۽ شڪي ماڻهن تي ڪڙي نظر رکڻ سان گڏ شهر جي ايندڙ ۽ ويندڙ رستن جي سخت نگراني ڪئي وڃي.
هوڏانهن ڊي جي رينجرز جي سخت هدايتن کانپوءِ مختلف علائقن ۾ سرچ آپريشن ڪيو ويو جڏهن ته اهم روڊ رستن تي گشت ۽ سنيپ چيڪنگ جو عمل به تيز ڪيو ويو.
