آءِ جي سنڌ غلام نبي ميمڻ چيو آهي ته بهتر حڪمت عملي بڻائي مختلف پاسن کان ڏوهن ۽ ڏوهارين جو گهيرو تنگ ڪيو وڃي، ڪچي ۽ پڪي مان ڌاڙيلن جو خاتمو سنڌ پوليس جي پهرين ترجيح آهي.
غلام نبي مميڻ، ڊي آءِ جي مظهر نواز شيخ، ايس ايس پي گهوٽڪي تنوير احمد تنئي ۽ ايس ايس پي اسپيشل برانچ منير احمد کهڙي سان گڏ ٿاڻي ڪوٽ شاهو پهتو.
ان موقعي تي ايس ايس پي شڪاپور ڪيپٽن رٽائرڊ فيضان علي کيس ڪچي جي پنجن ٿاڻن رستم، بچل ڀيو، چڪ، ناپر ڪوٽ ۽ ڪوٽ شاهو جي حدن ۾ ٺهندڙ نين پوليس چيڪ پوسٽن بابت تفصيلي ڄاڻ ڏني.
ايس ايس پي شڪارپور آءِ جي سنڌ کي ٻڌايو ته نين چيڪ پوسٽن جي ٺهڻ کانپوءِ نه رڳو هاءِ کي ڏوهن کان محفوظ بڻائي سگهبو پر ڪچي جو امن به يقيني بڻجي ويندو.
بريفنگ ۾ چيو ويو ته چيڪ پوسٽن سان ڪچي ۾ جهيڙيندڙ ڌرين تي ڪنٽرول ڪري سگهبو ۽ ڪچي جي ڏوهارين کي ڪچي توڙي پڪي ۾ ڏوهن جي نيت سان نڪرڻ لاءِ دڳ نه ملندو
آءِ جي سنڌ نقشي جي مدد سان ڏنل بريفنگ ڏئي تسليءَ جوڳو قرار ڏيندي چيو ته بهتر کان بهتر حڪمت عملي بڻائين ڏوهن ۽ ڏوهارين جو گهڻ رخو گهيرو تنگ ڪيو وڃي.
آءِ جي سنڌ ڪچي ۾ ٺهندڙ نين چيڪ پوسٽن جو جائزو پڻ ورتو.
