کپرو مان ڏيڍ سال اڳ مبينا طور اغوا ٿي ويل ناري جو رڪارڊ ٿيل وڊيو بيان سوشل ميڊيا تي وائرل ٿي ويو آهي، جنهن ۾ ناري چئي رهي آهي ته اقبال نالي شخص کيس اغوا ڪري ساڻس زبردستي شادي ڪئي آهي.
ڏيڍ سال اڳ مبينا طور اغوا ٿي ويل ناري مينا ڪولهي جو وڊيو بيان سوشل ميڊيا تي وائرل ٿي ويو آهي.
وڊيو ۾ ناري چئي رهي آهي ته کيس ڀاڙيسري اقبال ڀنڀرو اغوا ڪري ساڻس زبردستي شادي ڪئي آهي.
الزام هيٺ آيل اقبال ڀنڀرو جو چوڻ آهي ته سندس زال کي 5 ڏينهن اڳ اغوا ڪري کائنس زبردستي وڊيو بيان رڪارڊ ڪرايو ويو آهي.
واضح رهي ته ڏيڍ سال اڳ ناري مينا ڪولهي پير سرهندي وٽ مذهب تبديل ڪري مسلمان ٿي هئي ، جنهن بعد سندس نالو ثمينا رکيو ويو هو.
حيدر آباد جي عدالت ۾ ناري ، اقبال ڀنڀرو سان پسند جي شادي ڪئي هئي، جنهن مان کيس پٽ جو اولاد به هو.
