ڪئنيڊا جي مصروف ترين هوائي اڏي پيئرسن انٽرنيشنل ايئرپورٽ تان سوا چار سئو ارب رپين جو سون چوري ٿي ويو.
عالمي ميڊيا موجب ڪينيڊا جي پوليس اختيارين ٻڌايو ته هلندڙ هفتي ٽورنٽو پيئرسن انٽرنيشنل ايئرپورٽ تي هوائي جهاز تان ڪنٽينر لاهڻ بعد واقعو پيش آيو.
ريجنل پوليس انسپيڪٽر اسٽيفن ڊيوسٽين ٻڌايو ته عام طريقيڪار موجب ئي هوائي جهاز لينڊ ٿيو، جنهن بعد ان مان ڪنٽينر لاهي هولڊنگ ڪارگو ۾ منتقل ڪيو ويو.
پوليس ٻڌايو ته ڪنٽينر ۾ سون کانسواءِ ٻيون اعليٰ شيون به موجود هيون.
ڪنٽينر ڪٿان آيو هو، ان جي منزل ڪهڙي هئي ۽ ان ۾ سون کانسواءِ ٻيو ڪهڙيون قميتي شيون هيون، ان بابت پوليس بيان جاري ناهي ڪيو.
