ڪابينا جي اقتصادي رابطا ڪميٽي اليڪٽرڪ موٽرسائيڪلون ۽ رڪشا اسڪيم جي منظوري ڏئي ڇڏي، وزيراعظم يوٿ بزنس ۽ زرعي لون اسڪيم تحت موٽرسائيڪلن ۽ رڪشائن لاءِ قرض ڏنو ويندو.
اي سي سي پنجاب ۾ کنڊ 95 رپيا في ڪلو فراهم ڪرڻ جي فيصلي جي به منظوري ڏني، جڏهن ته افغانستان جي رستي وچ ايشيا جي ملڪن تائين زميني رستي واپس لاءِ انگور اڏي کي مجاز لينڊ روٽ اسٽيشن قرار ڏيڻ جي به منظوري ڏئي ڇڏي آهي.
ڪابينا جي اقتصادي رابطا ڪميٽي جو اجلا ناڻي واري وزير اسحاق ڊار جي صدارت هيٺ ٿيو جنهن ۾ اليڪٽرڪ موٽرسائيڪلو ۽ اي رڪشا اسڪيم جي منظوري ڏني وئي.
پهرين ڪيٽيگري ۾ 5لک رپين تائين قرض ڏنو ويندو، ناڻي واري وزارت موجب قرض بنا وياج جي ٽن سالن تائين قرض ڏنو ويندو.
ڪابينا جي اقتصادي رابطا ڪميٽي اليڪٽرڪ بائيڪ ۽ اليڪٽرڪ رڪشائن لاءِ صنعت ۽ پيداوار واري وزارت کي فنانسگ فيسلٽي فراهم ڪرڻ جي منظوري ڏني آهي.
