ڪراچيءَ جي علائقي ڪريم آباد ۾ دهشتگردن هٿان سي ٽي ڊي جو ڊي ايس پي علي رضا شهيد ٿي ويو.
هٿياربندن جي فائرنگ ۾ سي ٽي ڊي آفيسر زخمي ٿي پيو، کيس عباسي شهيد اسپتال منتقل ڪيو ويو جتي هن دم ڌڻي حوالي ڪيو.
واقعي بعد پوليس ۽ رينجرز پهچي علائقي کي ڪڙو چاڙهيو ۽ جوابدارن جي ڳولا لاءِ ناڪابندي پڻ ڪئي.
پوليس ٻڌايو ته ڊي ايس پي علي رضا مٿان ٻن جوابدارن فائرنگ ڪئي، هڪ کي اجرڪ ويڙهيل هو ۽ ٻي کي هيلمينٽ پاتل هئي، حملو ڪندڙن پسٽل تي سائلنسر لڳايو هو.
پوليس موجب واقعي واري هنڌ وٽان نائن ايم ايم جي گولين جا خول مليا آهن ۽ فائرنگ ۾ زخمي ٿيل گارڊ عمارت جو سڪيورٽي گارڊ آهي.
ريسڪيو ٽيمن موجب علي رضا کي مٿي ۾ گولي لڳي ۽ هو سخت زخمي ٿي پيو.
علي رضا ڊي ايس پي انويسٽيگيشن مقرر هو ۽ هو چوڌري اسلم جو ويجهو ساٿي هو.
هوڏانهن صوبائي گهرو وزير ضياءَ الحسن لنجار واقعي جو نوٽيس وٺندي ڊي آءِ جي سي ٽي ڊي ۽ ايس ايس پي سينٽرل کان رپورٽ طلب ڪري ورتي.
صوبائي گهرو وزير ضياءَ الحسن لنجار هدايت ڪندي چيو ته حملي ۾ ملوث عنصرن جي گرفتاري لاءِ فوري طور قدم کنيا وڃن.
گهرو وزير پوليس آفيسرن کي هدايت ڪئي ته واقعي واري هنڌ وٽان شاهديون هٿ ڪري جاچ کي اثرائتو بڻايو وڃي…
