اليڪشن ڪميشن طرفان ڪراچيءَ ۾ مڪاني چونڊ جي پارٽي پوزيشن جاري ڪئي وئي آهي جنهن ۾ پ پ جو پهريون نمبر آهي, اليڪشن ڪميشن موجب ڪراچي جي 246 مان 235 يونين ڪميٽين تي چونڊ ڪرائي وئي، اميدوارن جي فوت ٿيڻ سبب 11 سيٽن تي چونڊ نه ٿي سگهي.
ترجمان موجب ڪراچيءَ جي 235 مان 229 يوسيز جو نتيجو جاري، 6 سيٽن جو نتيجو روڪيل آهي, اليڪشن ڪميشن موجب پ پ 91 سيٽن سان پهرين، جماعت اسلامي 85 سيٽن سان ٻئي، پي ٽي آءِ 42 سينٽ سان ٽئين نمبر تي آهي.
ترجمان موجب ن ليگ 7، جي يو آءِ 2، ٽي ايل پي ۽ آزاد اميدوار هڪ هڪ سيٽ حاصل ڪئي آهي, اليڪشن ڪميشن موجب ڪراچيءَ جي سينٽرل ضلعي ۾ 45 مان 42 يونين ڪميٽين تي چونڊ ٿي، سينٽرل ضلعي ۾ جماعت اسلامي 37 سيٽون کڻي پهرين پوزيشن ماڻي ورتي. سينٽرل ضلعي ۾ پ پ 4 ۽ پي ٽي آءِ هڪ سيٽ ماڻي، 3 سيٽن تي چونڊ نه ٿي, اوڀر ضلعي ۾ به جماعت اسلامي 19 سيٽون کڻي پهرين پوزيشن تي آهي.
اوڀر ضلعي ۾ 43 يونين ڪميٽين مان پ پ 14، پي ٽي آءِ 9 سيٽون ماڻيون, اوڀر ضلعي ۾ هڪ يونين ڪميٽيءَ جو نتيجو روڪيو ويو آهي, ملير ضلعي جي 30 يوسيز جي چونڊ ۾ 20 پ پ کڻي پهرين پوزيشن ماڻي.
پي ٽي آءِ 4، جماعت اسلامي 3، ن ليگ 2 ۽ آزاد اميدوار هڪ سيٽ حاصل ڪئي, اولهه ضلعي جي 30 يوسيز تي چونڊ ۾ پ پ ۽ پي ٽي آءِ 9-9 سيٽون ماڻيون آهن, اولهه ضلعي ۾ جماعت اسلامي 5 ۽ جي يو آءِ 2 سيٽون حاصل ڪيون.
اولهه ضلعي جي 3 سيٽن تي چونڊ نه ٿي سگهي، 5 سيٽن جو نتيجو روڪيو ويو. ڏکڻ ضلعي جي 26 مان 25 سيٽن تي چونڊ ۾ پ پ پهرين پوزيشن ماڻي آهي, پ پ 15، پي ٽي آءِ 9 ۽ ٽي ايل پي هڪ سيٽ ماڻي، هڪ سيٽ تي چونڊ نه ٿي آهي, ڪورنگي ضلعي جي 37 مان 34 سيٽن تي چونڊ ۾ جماعت اسلامي جو پهريون نمبر آهي.
ڪورنگي ۾ جماعت اسلامي 21، پي ٽي آءِ 8، پ پ 3 ۽ ن ليگ 2 سيٽون کنيون، ڪورنگي ضلعي جي ٽن سيٽن تي چونڊ نه ٿي سگهي, اليڪشن ڪميشن موجب ڪياماڙي ضلعي ۾ 32 مان 31 سيٽن تي چونڊ، پ پ پهرين پوزيشن ماڻي
ڪياماڙي ۾ پ پ 26، ن ليگ 3 ۽ پي ٽي آءِ 2 سيٽون حاصل ڪيون.
