ملير جي علائقي بحريا ٽائون ۾ مبينا ڦورن ۽ سڪيورٽي گارڊن ۾ فائرنگ جي ڏي وٺ دوران هڪ گارڊ مارجي ويو ۽ هڪ زخمي ٿي پيو جڏهن ته گارڊن ٻن ڦورن کي سوگهو ڪري پوليس حوالي ڪري ڇڏيو آهي.
بحريا ٽائون ۾ مبينا ڦورن ۽ سڪيورٽي گارڊن ۾ فائرنگ جي ڏي وٺ ٿي.
فائرنگ دوران سڪيورٽي گارڊ اقرار ٿڏي تي ئي مارجي ويو جڏهن ته هڪ گارڊ امتياز زخمي ٿي پيو.
سڪيورٽي گارڊن ٻن ڦورن احمد ۽ عظمت کي سوگهو ڪري پوليس حوالي ڪري ڇڏيو.
پوليس جو چوڻ آهي ته مارجي ويل سڪيورٽي گارڊ جو مڙهه ۽ زخمي کي اسپتال منتقل ڪيو ويو آهي.
پوليس موجب، گرفتار ڦورن خلاف ڪيس داخل ڪري جاچ ڪئي پئي وڃي.
