ڪراچي ۾ ٽارگيٽ بڻائي قتل ڪيل اکين جي مشهور ڊاڪٽر بيربل گيناني جي قتل جو ڪيس داخل ڪيو ويو.
پوليس جو چوڻ آهي ته گارڊن ٿاڻي تي مقتول جي ڀاءُ ريوو گنياني جي فرياد تي ڪيس داخل ڪيو ويو آهي.
فريادي ڪيس ۾ ڊاڪٽر بيربل سان گڏ زخمي ٿيل عورت اسسٽنٽ تي به قتل جو شڪ ظاهر ڪري ڇڏيو.
فريادي پنهنجي موقف ۾ چيو آهي ته زخمي عورت اسسٽنٽ قرت العين سڌي ريت يا اڻ سڌيءَ ريت ڊاڪٽر بيربل گيناني جي قتل ۾ ملوث ٿي سگھي ٿي.
واضع رهي ته ڊاڪٽر بيربل کي خميس ڏينهن لياري ايڪسپريس وي ڀرسان فائرنگ ڪري قتل ڪيو ويو هو، واقعي ۾ عورت اسسٽنٽ به زخمي ٿي پئي.
اکين جي بيمارين جو ماهر ڊاڪٽر بيربل، اڳوڻو سينيئر ڊائريڪٽر هيلٿ ڪراچي ميٽروپوليٽن ڪارپوريشن گيني اسپينسر آئي اسپتال، لياري جو ميڊيڪل سپرنٽينڊنٽ پڻ رهيو.
مقتول ڊاڪٽر بيربل پڻ تازو ئي پنهنجي ڌيءَ سان گڏ پبلڪ هيلٿ ۾ ماسٽرس جي ڊگري حاصل ڪئي هئي.
