ڪراچي جي چڙيا گهر ۾ ڪيترن ئي ڏينهن کان بيمار هاٿي نورجهان زندگيءَ جي جنگ هارائي ويٺي آهي جڏهن ته ڪراچي جي ايڊمنسٽريٽر هاٿي جي مرڻ جي تصديق ڪري ڇڏي.
ڪراچيءَ جي ايڊمنسٽريٽر ڊاڪٽر سيف الرحمان جو چوڻ آهي ته ڪيترن ئي ڏينهن کان هاٿي نورجهان بخار ۾ مبتلا هئي کيس بچائڻ لاءِ سموريون ڪوششون ڪيون ويون.
سندس چوڻ هو ته هاٿي نورجهان جو علاج عالمي سطح جي ماهرن جي نگراني ۾ ڪيو ويو جڏهن ته ڪجهه ڏينهن اڳ هاٿي جي علاج لاءِ فورپاز جي ٽيم به ڪراچي آئي هئي.
ڪراچيءَ جي ايڊمنسٽريٽر ڊاڪٽر سيف الرحمان چيو ته ڪي ايم سي انتظاميا هاٿي نورجهان کي هر ممڪن بچائڻ جي ڪوشش ڪئي، زندگي ۽ موت الله تعاليٰ جي هٿ ۾ آهي پر هاٿي نورجهان جي موت تي ڏک ٿيو آهي.
گورنر سنڌ ڪامران ٽسوري هاٿي نورجهان جي موت تي افسوس جو اظهار ڪيو آهي.
گورنر سنڌ ڪامران ٽسوري جو چوڻ آهي ته ڪي ايم سي بيمار هاٿي جي زندگي بچائڻ جي هر ممڪن ڪوشش ڪئي پرڏيهي ڊاڪٽرن جي مشوري موجب علاج جاري هو عيد جي ڏهاڙي ان افسوسناڪ خبر تي ڏک ٿيو آهي.
