ڪراچي جي علائقي سائٽ ۾ خانگي ڪمپني طرفان راشن جي ورڇ دوران ڀاڄ پوڻ سبب عورتن ۽ ٻارن سميت 11 ڄڻا فوت ٿي ويا، گورنر ڪامران ٽسوري، چيف سيڪريٽري ۽ ڪمشنر ڪراچي واقعي جو نُوٽيس وٺندي رپورٽ طلب ڪري ورتي آهي.
خانگي فيڪٽري ۾ ضرورتمندن ۾ راشن ورهائڻ دوران تار ڪرڻ سبب ڪرنٽ لڳڻ جي ڪري ماڻهن ۾ ڀاڄ پئجي وئي.
پوليس موجب ڀاڄ سبب ويجهي نالي جي ڀت ڪري پئي ۽ ٻه ٻار نالي ۾ ڪري فوت ٿي ويا ۽ ڪيترائي زخمي ٿي پيا.
ڀاڄ پوڻ سبب هيل تائين گهٽ ۾ گهٽ 3 ٻار ۽ 8 عورتون فوت ٿي ويون آهن، زخمين ۽ بيهوش ماڻهن مان ڪجهه جي حالت ڳڻتي جوڳي ٻڌائي پئي وڃي.
گورنر ڪامران ٽسوري، چيف سيڪريٽري سهيل راجپوت ۽ ڪمشنر ڪراچيءَ واقعي جو نوٽيس وٺندي رپورٽ طلب ڪري ورتي آهي.
پوليس واقعي بعد ڪمپني جي مينيجر سميت ٽن ڄڻن کي گرفتار ڪيو ويو آهي.
