ڪراچي: پورٽ قاسم پي ايس او آئل ڊيپو ويجهو روڊ حادثي ۾ پيءُ ۽ پٽ فوت

ملير جي علائقي پورٽ قاسم ڀرسان اڻڄاتل گاڏيءَ جي ٽڪر ۾ موٽر سائيڪل سوار پيءُ  ۽ پٽ فوت ٿي ويا جڏهن ته هڪ عورت زخمي ٿي پئي. پورٽ قاسم آئل ڊيپو ڀرسان اڻڄاتل گاڏي موٽر سائيڪل سوارن کي ٽڪر هنيو. حادثي جي نتيجي ۾ 40 ورهين جو عابد ۽ سندس ڏيڍ سالا پٽ عاطف موقعي تي فوت ٿي ويا جڏهن ته عابد جي گهر واري نادره سخت زخمي ٿي پئي جنهن کي ڳڻتي جوڳي حالت ۾ اسپتال نيو ويو. پوليس جو چوڻ آهي ته اڻڄاتل گاڏيءَ موٽر سائيڪل سوارن کي ٽڪر هنيو آهي، معاملي جي جاچ ڪئي پئي وڃي جلد گاڏي ڊرائيور کي گرفتار ڪيو ويندو.