ڪراچي ۾ رينجرز ۽ پوليس ڪارروائي ڪندي ڦر، چوري ۽ اسٽريٽ ڪرائي جي وارداتن ۾ ملوث 5 جوابدارن کي گرفتار ڪري ورتو آهي.
رينجرز ترجمان طرفان جاري ڪيل پڌرائي موجب، ڳجهي اطلاع تي گڏيل ڪارروائي ڪندي ڪراچي جي علائقي سعيد آباد ٽائون نوري قبرستا ۽ گلسن اقبال ۾ ڪارروائي ڪئي وئي.
ترجمان موجب، ڪارروائي دوران 5 جوابدار شهريار عرف شيرا، ذيشان عرف نري، جاويد عرف گورڪن، شهريار عرف شرتا ۽ فرحان شامل آهن، سندن قبضي مان هٿيار، ڦر ڪيل موبائل فونز ۽ روڪ رقم هٿ ڪئي وئي.
شهريار عرف شيرا، ذيشان عرف نري ۽ جاويد عرف گورڪن سعيد آباد، شير شاهه، بنارس، گلشن اقبال ۽ سهراب ڳوٺ جڏهن ته شهريا عرف شرتا ۽ فرحان صفوره، اورنگي ٽائون، ناظم آباد، ناگن چورنگي ۽ ٻين علائقن ۾ وارداتون ڪرڻ جو اعتراف ڪيو آهي.
رينجرز ترجمان جو وڌيڪ چوڻ آحي ته گرفتار جوابدارن کي هٿ آيل هٿيار ۽ ٻئي سامان سميت وڌيڪ ڪارروائي لاءِ پوليس حوالي ڪيو ويو آهي.
