ڪراچي ۾ پوليس 270شرپسندن کي گرفتار ڪرڻ جي دعويٰ

ڪراچي ۾ پوليس 270شرپسندن کي گرفتار ڪرڻ جي دعويٰ ڪئي آهي.

اي آءِ جي ڪراچي طرفان سنڌ جي وڏي وزير مراد علي شاهه کي رپورٽ پيش ڪئي وئي.

رپورٽ ۾ چيو ويو ته سي سي ٽي وي فٽيجز جي مدد سان سرڪاري ۽ خانگي ملڪيتن کي نقصان پهچائيندڙن کي گرفتار ڪرڻ جو سلسلو جاري آهي.

وڏي وزير مراد علي شاهه ايڊيشنل آءِ جي ڪراچي کي هدايت ڪئي آهي ته گرفتار ڪيل شرپسندن تي ڪيس داخل ڪيا وڃن.

اي آءِ جي ڪراچي جو چوڻ آهي ته پيپلز بس کي نقصان پهچائيندڙ ٽن ڄڻن جي سڃاڻپ ٿي وئي آهي، امن خراب ڪرڻ جي ڪنهن کي به اجازت نه ڏني ويندي.