ڪشمور مان 2 هفتا اڳ اغوا ٿيل نينگر ۽ نوجوان جي بازيابيءَ لاءِ مختلف تنظيمن پاران احتجاجي ريلي ڪڍي وئي.
قومي عوامي تحريڪ، شهري اتحاد ۽ شهري ايڪشن ڪميٽي جي اڳواڻ محمد علي کوسي، غلام جيلاني منگي، حاڪم ڀٽي، وزير چنا ۽ ٻين جي اڳواڻيءَ ۾ نادرا چوڪ کان پريس ڪلب تائين احتجاجي ريلي ڪڍي نعريبازي ڪئي وئي.
احتجاج ڪندڙن ميڊيا سان ڳالهائيندي چيو ته ڪشمور ۾ امن امان جي صورتحال خراب ٿي وئي آهي، ضلعي جا رهواسي بدامني سبب پاڻ کي غير محفوظ سمجهي رهيا آهن.
هنن چيو ته 2 هفتا اڳ ٽن ورهين جي حسن علي دستي ۽ نوجوان اقبال نائچ کي اغوا ڪيو ويو هو جن کي اڃا تائين بازياب ناهي ڪرايو ويو.
احتجاج ڪندڙن اعليٰ اختيارين کان مطالبو ڪيو ته مغوين کي بازياب ڪرائي وارثن جي بيچيني ختم ڪئي وڃي.
