ڪشمور ٿاڻي جي حد ۾ چانڊيا برداري جي ٻن ڌرين وچ ۾ پراڻي سڱاوتي تڪرار تان جهيڙي دوران فائرنگ ۾ هڪ ڄڻو مارجي ويو آهي ۽ 5 ڄڻا زخمي ٿي پيا آهن، مقتول جي وارثن جوابدارن جي گرفتار لاءِ لاش انڊس هاءِ وي تي رکي احتجاجي مظاهرو ڪري ڌرڻو هنيو آهي.
ڳوٺ خير محمد چانڊيو ۾ سڱاوتي تڪرار تان چانڊيا برادري جي ٻن ڌرين وچ ۾ جهيڙو ٿي پيو، هٿياربندن جي فائرنگ ۾ محمد يوسف چانڊيو مارجي ويو آهي.
جهيڙي دوران گوليون لڳڻ سبب خادم، مختيار، حسن، پرويز ۽ شاهد چانڊيو زخمي ٿي پيا.
مقتول جي وارثن لاش انڊس هاءِ وي تي رکي احتجاجي مظاهرو ڪري ڌرڻو هڻي روڊ بلاڪ ڪري ڇڏيو.
مقتول جي وارثن ميڊيا کي ٻڌايو ته هٿياربندن جي سندن گهر مٿان فائرنگ ۾ محمد يوسف مارجي ويو ۽ 5 ڄڻا زخمي ٿي پيا آهن.
هنن ايس ايس پي ڪشمور کان مطالبو ڪيو ته واقعي ۾ ملوث سمورن جوابدارن کي گرفتار ڪيو وڃي، ٻي صورت ۾ سندن ڌرڻو جاري رهندو.
