پرڏيهي ترجمان ممتاز زهرا بلوچ چيو آهي ته ڪلڀوشن جي گرفتاري ڀارت جي پاڪستان ۾ دهشتگردي جو ثبوت آهي، ڀارتي پرڏيهي وزير جا تازا رمارڪس غير ضروري ۽ بي بنياد آهن.
اسلام آباد ۾ هفتيوار بريفنگ ڏيندي ممتاز زهره بلوچ چيو ته صبح جهاز 149 پاڪستانين کي سوڊان کان کڻي اسلام آباد پهتو آهي، وڌيڪ ٻه جهاز 200 پاڪستانين کي آندو ويندو، سوڊان کان جِدي پهتل پاڪستانين کي به ڏيهه آندو پيو وڃي، شهرين کي محفوظ طريقي سان آڻڻ وارو منصوبو ڪم ڪري رهيو آهي.
هن چيو ته والاريل ڪمشير ۾ ڀارتي ظلم جو سلسلو جاري آهي، علائقي ۾ سيد شڪيل يوسف ۽ سيد شاهد يوسف نالي شهرين جي ملڪيتن تي قبضو ڪيو ويو آهي، ٻئي ڄڻا اڳ ئي ڀارت جي حراست ۾ آهن.
پرڏيهي ترجمان چيو ته پاڪستان، يوڪرين ۽ روس وچ ۾ تڪرار دوران اڻ ڌري پاليسي تي عمل ڪري رهيو آهي، ان دوران ڪنهن ڌر کي هٿيار فراهم نه پيا ڪيا وڃن، ان تڪرار کان اڳ يوڪرين سان ويجها دفاعي لاڳاپا رهيا آهن.
ممتاز زهرا بلوچ چيو ته پاڪستان دهشتگردي سبب متاثر رهيو آهي، وٽ ڀارت طرفان پاڪستان ۾ دهشتگردي ۾ ملوث هجڻ جا ثبوت آهن، ڀارتي پرڏيهي وزير جو بيان غير ضروري ۽ بي بنياد آهن.
پرڏيهي ترجمان چيو ته ڪلڀوشن يادو پاڪستان ۾ دهشتگردي جي ڪاررواين ۾ ملوث هو ۽ گرفتار ٿيو، اهو ڀارتي مداخلت جو وڏو ثبوت آهي.
ممتاز زهرا بلوچ چيو ته پرڏيهي وزير بلاول ڀٽو زرداري اين سي او ڪانفرنس ۾ شرڪت لاءِ ڀارت وڃي رهيو آهي، سندس دورو ايس سي او سان سندن واعدي جو اظهار آهي.
پرڏيهي ترجمان چيو ته پرڏيهي وزير جي دورين دوران ڪنهن به قسم جي آوازن کي نظرانداز ڪرڻ گهرجي، پرڏيهي وزير جو دورو ٻه طرفو ناهي، اميد ته ڪشميري ان معاملي کي سمجهندا، ناڪاري بيانن مان ڪجهه به حاصل نه ٿيندو.
