ڪنڌڪوٽ ۾ 4 ڏينهن اڳ اغوا ٿي ويل ٽرڪ ڊرائيور ۽ ڪلينر جي بازيابي لاءِ ٽرڪ ڊرائيورن پاران احتجاجي مظاهرو ڪري انڊس هاءِ وي تي ڌرڻو هنيو ويو.
مريد، سليم ۽ ٻين جي اڳواڻي ۾ ٽرڪ ڊرائيورن مغوين جي بازيابي گولا موڙ تي ڌرڻو هڻي انڊس هاءِ وي بلاڪ ڪري ڇڏي، جنهن سبب روڊ جي ٻنهي پاسن کان گاڏين جون قطارون لڳي ويون.
احتجاج ڪندڙن چيو ته 4 ڏينهن گذرڻ باوجود پوليس اغوا ٿي ويل ٽرڪ ڊرائيور فيض محمد ۽ ڪلينر اڪبر خلجي کي بازياب ناهي ڪرائي سگهي.
مظاهرين چيو ته علائقي ۾ ڌاڙيلن جو راڄ آهي، پوليس ڏوهارين آڏو بيوس بڻيل آهي.
هنن چتاءَ ڏيندي چيو ته مغوي ٽرڪ ڊرائيور ۽ ڪلينر کي جلد کان جلد بازياب ڪرايو وڃي، ٻي صورت ۾ احتجاج جو دائرو وڌايو ويندو.
