ڪنڌڪوٽ ۾ موٽرسائيڪل ڦر دوران مزاحمت تي اڻڄاتل هٿياربندن گوليون هڻي هڪ ڄڻي کي قتل ڪري ڇڏيو.
بي سيڪشن ٿاڻي جي حد ۾ هٿياربندن مزاحمت تي گوليون هڻي مراد علي ڀنگوار کي قتل ڪري فرار ٿي ويا.
اطلاع ملڻ بعد پوليس واقعي واري هنڌ پهچي لاش کڻائي اسپتال منتقل ڪيو، جتان پوسٽ مارٽم ڪرائڻ بعد مڙهه وارثن حوالي ڪيو ويو.
پوليس جو چوڻ آهي ته جوابدارن جي گرفتاري لاءِ ڇاپا هنيا پيا وڃن، کين جلد گرفتار ڪيو ويندو.
مقتول جو لاش گهر پهچائڻ تي گهر ڀاتين ۾ ڪهرام مچي ويو.
