ڪورونا وائرس ۽ لاڪ ڊائون کانپوءِ جاپان ۾ ٻارڙن جي روئڻ جو عجيب ۽ غريب مقابلو ٻيهر ڪرايو ويو آهي .
4سالن کانپوءِ اهو مقابلو ٻيهر ڪرايو ويو جنهن ۾ ٻارڙن کي ان لاءِ روئاريو ويندو آهي اهڙي طرح روئڻ سان سندن صحت سٺي رهندي آهي ۽ هو مطمعن رهندا آهن، ان ڪري ٻارڙن کي باقائده ڊيڄاري ڪري روئاريو ويندو آهي.
انتظاميا جو عملو “اوني” نامي عيجب قسم ماسڪ پائيندو آهي ۽ ٻارڙن کي سومو پهلوانن جو لباس پارائي ڊيڄاري ماڻهن جي سامهون پيش ڪيو ويندو آهي، ان ڀيري مقابلو ٽوڪيو ۾ واقع سينسوجي جي مندر ۾ منعقد ڪيو ويو هو.
ان دوران ريفري سنهي لٺ هٿ ۾ رکندو آهي ۽ جيڪو ٻارڙو پهريان روئندو آهي اهو ئي فاتح قرار ڏنو ويندو آهي، ريفري لٺ لهرائي ٻارڙي جي ڪاميابي جو اعلان ڪندو آهي.
هڪ 8مهينن جي ٻارڙي کي ماءُ ٻڌايو ته جاپاني ٻارڙن جي روئڻ سان سندس صحت جو اندازو لڳائي سگهجي ٿو، هن ٻڌايو ته سندس ڌيءُ اڄ کـُلي ڪري نه روئي.
واضح رهي ته ٿوري گهڻي تبديلي سان گڏ ڪرائنگ سومو جاپان جي هر علائقي ۾ منعقد ڪيو ويندو، انتظاميا موجب ڪجهه ماڻهو ان تهوار تي تنقيد ڪن ٿا پر جاپاني تهذيب ۾ ٻارڙا رڙيون ڪري روئيندا آهن.
مقابلي ۾ ڪنهن ٻارڙي کي سڀ کان پهريان ۽ سڀ کان آخر ۾ روئڻ تي فاتح قرار ڏنو ويندو آهي.
