ڪوٽڙي پوليس ڪار تي ڇاپو هڻي وڏي مقدار ۾ مين پڙي ۽ گٽڪي ۾ استعمال ٿيندڙ چورو هٿ ڪري هڪ منشيات فروش کي گرفتار ڪري ورتو

ڪوٽڙي پوليس ڪار تي ڇاپو هڻي وڏي مقدار ۾ مين پڙي ۽ گٽڪي ۾ استعمال ٿيندڙ چورو هٿ ڪري هڪ منشيات فروش کي گرفتار ڪري ورتو آهي. پوليس جو چوڻ آهي ته هرڻ چوڪ تي حيدرآباد کان ڪوٽڙي طرف ايندڙ ڪار تي ڇاپو هڻي وڏي مقدار ۾ مين پڙي ۽ گٽڪي ۾ استعمال ٿيندڙ چورو هٿ ڪيو ويو. پوليس موجب، ڪارروائي دوران هڪ منشيات فروش عمير خان پٺاڻ کي گرفتار ڪري سندس خلاف سرڪار جي فرياد تي منشيات ايڪٽ تحت ڪيس داخل ڪيو ويو. پوليس موجب، گرفتار منشيات فروش عمير خان پٺاڻ ڪوٽڙي جي مختلف علائقن ۾ منشيات سپلاءِ ڪندو آهي کائنس وڌيڪ پڇا ڳاڇا ڪئي پئي وڃي.