ڪيٽي بندر ۾ پراڻي تڪرار تان سيد برادري ۾ جهيڙي جي نتيجي ۾ هڪ ڄڻو مارجي ويو ۽ 6 زخمي ٿي پيا آهن.
ٺاريواريءَ جي سيد برادري جي ٻن ڌرين ۾ پراڻي تڪرار تان جهيڙو ٿي پيو.
جهيڙي جي نتيجي ۾ ڇريون ۽ چاقو لڳڻ سبب نظر شاهه مارجي ويو جڏهن ته 6 ڄڻا زخمي ٿي پيا آهن.
اطلاع ملڻ بعد پوليس واقعي واري هنڌ پهچي مقتول جو لاش ۽ زخمين کي کڻائي اسپتال پهچايو جتان ضروري ڪارروائي بعد مڙهه وارثن حوالي ڪيو ويو.
زخمين مان ٻن ڄڻن جي حالت ڳڻتي جوڳي ٻڌائي پئي وڃي.
مقتول نظر شاهه جو مڙهه گهر پهچڻ تي ڪهرام مچي ويو.
8 آڪٽوبر 2019ع ۾ سيد برادري ۾ جهيڙي جي نتيجي ۾ عبدالرحمان شاهه مارجي ويو هو جنهن جي پلاند ۾ اڄ نظر شاهه کي قتل ڪيو ويو آهي.
