بالي ووڊ جي تڪراري بيانن لاءِ مشهور اداڪارا ڪنگنا رناوت چيو آهي ته ڪڏهن هوءَ ۽ عامر خان سٺا دوست هوندا هئا.
ڀارتي ميڊيا رپورٽس موجب، ڪنگنا رناوت عامر خان سان گڏ ٽي وي شو جي ياد تازي ڪندي چيو ته سندس عامر خان سان لاڳاپا تڏهن خراب ٿيا جڏهن هريتڪ روشن جي ڪيس ۾ هن سندس ساٿ نه ڏنو.
اداڪارا ڪنگنا رناوت ماضي جي وڊيو پنهنجي انسٽا اسٽوري تي شيئر ڪندي لکيو ته سچ ٻڌايو ته ڪڏهن اهي ڏينهن ياد آيندا آهن جڏهن عامر سر سندس سٺو دوست هوندو هو، خبر ناهي اهي ڏينهن ڪاڏي هليا ويا ؟
هن وڌيڪ لکيو ته هريتڪ جي طرفان ڪيل ڪيس ۾ عامر خان سندس رهنمائي ڪئي پر بعد ۾ وفاداريون واضح ڪري ڇڏيون ڇو ته پوري انڊسٽري جو مقابلو هڪ عورت سان هو.
واضح رهي ته ڪنگنا رناوت پنهنجي هڪ انٽرويو ۾ دوست هريتڪ کي silly ex lover چيو هو جنهن بعد هريتڪ پاران ڪنگنا کي قانوني نوٽيس موڪليو ويو هو ۽ انهن ڏينهن وچ ۾ قانوني جنگ شروع ٿي وئي هئي جيڪا گهڻي مشهور ٿي.
