اينٽي وائلنٽ ڪرائم سيل جي اهلڪارن ڪشمور جي ڪچي واري علائقي ۾ ڪارروائي ڪندي 3 مهينا اڳ ڪراچي جي علائقي گلستان جوهر مان اغوا ٿيل نوجوان کي بازياب ڪرايو.
سينيئر سپرنٽينڊنٽ آف پوليس اي وي سي سي عبدالرحيم شيرازي موجب ڪشمور ڪچا واري علائقي ۾ ڪارروائي دوران اسپيشل ٽيم مقامي پوليس سان گڏجي ڪارروائي ڪري اغوا ڪيل نوجوان کي بازياب ڪرايو.
عبدالرحيم شيرازي موجب يرغمال ذاڪر الله کي 15 ڊسمبر تي گلستان جوهر مان اغوا ڪيو ويو، غوثپور، ڪرمپور، بيگاري ۽ ڪشمور مان ڀنگ لاءِ فون ڪالز ڪيون ويون.
عبدالرحيم شيرازي چيو ته اي وي سي سي ڪچي جي مختلف علائقن ۾ ڪارروايون ڪيون، غوثپور ۾ ڪارروائي دوران يرغمال بڻائيندڙ کي بازياب ڪرايو ويو.
