سنڌ هاءِ ڪورٽ گم ٿيل ماڻهن بابت ڪيس ۾ اڳڀرائي نه ٿيڻ تي سنڌ جي چيف سيڪريٽري، آءِ جي سنڌ پوليس ۽ گهرو سيڪريٽري کي نوٽيس جاري ڪري ڇڏيا.
سنڌ هاءِ ڪورٽ ۾ گم ٿيل ماڻهن جي بازياب لاءِ وارثن پاران داخل ڪرايل درخواستن تي ٻڌڻي ٿي.
جسٽس نعمت الله ڦلپوٽو، جسٽس شمس الدين عباسي تي ٻڌل ٻه رڪني بينچ ڪيس جي ٻڌڻي ڪئي.
عدالت، جاچ آفيسر پاران گم ٿيل ماڻهن جي بازيابي بابت پيش ڪيل رپورٽ تي ڪاوڙ جو اظهار ڪندي وفاقي ۽ صوبائي حڪومتن کي گم ٿيل ماڻهن جي بازيابي کي يقيني بڻائڻ جو حڪم ڏنو.
عدالت سنڌ جي چيف سيڪريٽري، آءِ جي سنڌ پوليس ۽ گهرو سيڪريٽري کي نوٽيس جاري ڪندي ٻڌڻي ملتوي ڪري ڇڏي.
