پاڪستان جي فاسٽ بالر شاهين شاهه آفريدي پهريون ڀيرو پنهنجي زال انشا آفريدي سان شادي جي حوالي سان ڳالهه ٻولهه ڪئي آهي، سندس چوڻ آهي ته گهرواري کي بالنگ پسند آهي پر هوءَ چوندي آهي ته بيٽنگ به ڪر.
شاهين شاهه آفريدي هڪ ٽي وي چئنل کي انٽرويو ڏنو جنهن ۾ هن انشا سان پهرين ملاقات ۽ پوءِ شادي جي حوالي سان سوالن جا جواب ڏنا.
شاهد آفريدي بابت سوال تي شاهين چيو ته هو هاڻي به کيس لالا ئي چوندو آهي، شاهد آفريدي ظاهري طور ڪاوڙ ڪندڙ لڳندو آهي پر هو بلڪل ڪاوڙ ڪرڻ وارو نه آهي.
شاهين کان سوال ڪيو ويو ته کيس شادي جو خيال پهريان ڪيئن آيو، جواب ڏيندي شاهين چيو ته شادي کيس ڪرڻي هئي ته خيال به هن ئي ايندو، سندس ڀاءُ ۽ لالا جي گهڻي پراڻي دوستي هئي ۽ سندس ماءُ رشتو گهرڻ وئي هئي.
انشا سان پهرين ملاقات بابت شاهين چيو ته سندس باقائده ڪا ملاقات نه ٿي هئي، گهر اچڻ وڃڻ ٿيندو هو ته ملاقات ٿي ويندي هئي.
شاهين شاهه آفريدي چيو ته سندس گهرواري کي بالنگ پسند آهي پر هو چوندي آهي ته ڪيو، سندس گهرواري راند ۾ گهڻي دلچسپي نه رکندي آهي پر شئي ۾ سپورٽ ڪندي آهي.
