گهوٽڪي ڀرسان پوليس پڪٽ تي هٿياربندن جي حملي ۾ ٻه پوليس اهلڪار شهيد ٿي ويا، جڏهن ته هڪ اهلڪار زخمي ٿي پيو.
آڌيءَ رات جو گيمڙو ٿاڻي جي پنجون ميل پوليس پڪٽ تي هٿياربندن حملو ڪري فائرنگ ڪري ڏني، گوليون لڳڻ سبب ٻه پوليس اهلڪار شهيد ۽ هڪ اهلڪار زخمي ٿي پيو.
واقعي بعد شهيد اهلڪارن جا مڙهه ۽ زخمي کي تعلقي اسپتال گهوٽڪي منتقل ڪيو ويو، جڏهن ته پوليس جي وڏي نفري پڻ اسپتال پهتي.
شهيد اهلڪارن ۾ پني عاقل واسي علي گوهر دايو ۽ نئون ديرو واسي ڪشور ڪمار اوڏ شامل آهن، جڏهن ته هڪ پوليس اهلڪار عزيز ميراڻي زخمي ٿي پيو.
ايس ايڇ او گيمڙو نواب چاچڙ جو چوڻ آهي ته چوڻ آهي ته هٿياربندن جي حملي ۾ 2 پوليس اهلڪار شهيد ۽ هڪ اهلڪار زخمي ٿيو آهي.
جڏهن ته زخمي اهلڪار عزيز ميراڻي جو چوڻ چوڻ آهي ته 3 پوليس اهلڪار پوليس پڪٽ هئاسين ته هٿياربندن جي ٽولي پڪٽ جي ڪمري ۾ داخل ٿي حملو ڪري ڏنو، جنهن کانپوءِ هو بيهوش ٿي ويو.
هن چيو ته سندن حوصلا بلند آهن پر ساٿين جي شهيد ٿيڻ جو ڏک جو آهي.
