گهوٽڪي ويجهو پوليس مقابلي بعد 5 مبينا ڏوهاري مارجي ويا آهن، سندن سڃاڻپ نه ٿي سگهي آهي.
پوليس دعويٰ ڪئي آهي ته قادر پور لنڪ روڊ تي ڏوهارين سان پوليس جو مقابلو ٿي پيو، فائرنگ جي ڏي وٺ بعد 5 ڏوهاري مارجي ويا.
مقابلي ۾ مارجي ويل مبينا ڏوهارين جا لاش تعلقي اسپتال گهوٽڪي آندا ويا.
مارجي ويل مبينا ڏوهارين جو ڪو وارث ظاهر نه ٿي سگهيو ۽ نه ئي سندن سڃاڻپ ٿي سگهي آهي.
پوليس موجب مارجي ويل ڏوهارين جو ڏوهي رڪارڊ چيڪ ڪيو پيو وڃي، مارجي ويلن جا لاش سڃاڻپ لاءِ تعلقي اسپتال ۾ رکيا ويا آهن.
