ايشيائي ترقياتي بئنڪ جو چوڻ آھي ته ھلندڙ مالي سال پاڪستان ۾ مھانگائي جي شرح ٻيڻ کان به وڌيڪ ھوندي.
ايشيائي ترقياتي بئنڪ جي آئوٽ لڪ رپورٽ موجب، ھلندڙ مالي سال جي پڄاڻي تائين پاڪستان جي معيشت سست رفتاري جو شڪار رھندي.
ايشيائي ترقياتي بئنڪ جي آئوٽ لڪ رپورٽ ۾ چيو ويو آھي ته پاڪستان جي گروٿ ۾ ٻڙي ڏھائي ڇهه سيڪڙو گھٽتائي ٿي آھي، ھلندڙ مالي سال جي پڄاڻي تائين پاڪستان جي معاشي ترقي جي شرح 2سيڪڙو تائين ھوندي.
رپورٽ موجب، گذريل سال پاڪستان ۾ مھانگائي جي شرح 12 ڏھائي 2 سيڪڙو ھئي جيڪا ھن سال ٻيڻ کان بھ وڌيڪ 27 ڏھائي پنج سيڪڙو تائين ٿي وئي آھي.
رپورٽ موجب 20سالن دوران ماحولياتي تبديلين سبب متاثر ٿيل 10 وڏن ملڪن ۾ پاڪستان بھ شامل آھي، ٻوڏ سبب پاڪستان جي پيداوار متاثر ٿي جيڪا مھانگائي وڌڻ، ڪرنٽ اڪائونٽ خساري ۽ فارن ايڪسچينج ذخيرن ۾ گھٽتائي جو سبب آھي.
پاڪستان ۾ مالي خسارو 6 ڏھائي 9 سيڪڙو تائين پھچي رھيو آھي.
