آمريڪي صدر ڊونلڊ ٽرمپ آذربائيجان ۽ آرمينيا جي وچ ۾ امن معاهدو ڪرائي ڇڏيو آهي.

آمريڪي صدر ڊونلڊ ٽرمپ آذربائيجان ۽ آرمينيا جي وچ ۾ امن معاهدو ڪرائي ڇڏيو آهي. آمريڪي صدر  ڊونلڊ ٽرمپ آذربائيجان ۽ آرمينيا وچ ۾ امن معاهدو ڪرائي ڇڏيو، وائيٽ هائوس ۾ آذربائيجان جي صدر الهام عليوف ۽ آرمينيائي وزيراعظم نيڪول پشينيان آمريڪي  صدر سان ملاقات کانپوءِ مڪمل جنگبندي معاهدي تي صحيحون ڪيون، ڊونلڊ ٽرمپ معاهدي تي گواهه طور صحيح ڪئي. ان موقعي تي ٻنهي ملڪن جي سربراهن سان گڏ پريس ڪانفرنس ڪندي آمريڪي صدر ٽرمپ چيو ته آذربائيجان ۽ آرمينيا جي قيادت خاطري ڪرائي آهي ته اُهي جنگ نه ڪندا، ٻنهي ملڪن سان ٽيڪنالاجي معاهدن ۾ اي آءِ ڊيلز شامل رهنديون. هن وڌيڪ چيو ته آذربائيجان تي فوجي سهڪار تي پابنديون هٽائي رهيا آهن، هو جنگ نٿو چاهي، امن ۽ واپار گهري ٿو، هن پاڪستان ۽ ڀارت وچ ۾ جنگ به روڪرائي. آذربائيجان جي صدر الهام عليوف چيو ته اڄ تاريخي ڏينهن آهي، امن لاءِ هڪ نئون رستو کلي ويو آهي، هو آمريڪا سان اسٽريٽجڪ ڀائيواري شروع ڪرڻ وارا آهن، آذربائيجان ۽ آرمينيا ذميواري سان اڳتي وڌندا. آرمينيائي وزيراعظم نڪول پشينيان چيو ته صدر ٽرمپ سڄي دنيا ۾ امن کي هٿي ڏيڻ ۾ ڪردار ادا ڪري رهيو آهي. ان موقعي تي آذربائيجان ۽ آرمينيا جي سربراهن آمريڪي صدر ڊونلڊ ٽرمپ کي امن جو نوبيل انعام ڏيڻ جو مطالبو پڻ ڪيو..