انگلينڊ ڪرڪيٽ ٽيم جي ڪپتان بين اسٽوڪس جي گهر چوري جو واقعو پيش آيو

انگلينڊ ڪرڪيٽ ٽيم جي ڪپتان بين اسٽوڪس جي گهر چوري جو واقعو پيش آيو آهي. سوشل ميڊيا تي بيان جاري ڪندي هن ٻڌايو ته چوري ان وقت ڪئي وئي جڏهن سندس گهر واري ۽ ٻه ٻار گهر ۾ موجود هئا، شڪر آهي ته گهر ڀاتين مان ڪنهن کي به نقصان ناهي پهتو. بين اسٽوڪس وڌيڪ ٻڌايو ته هي واقعو 17 آڪٽوبر جي شام جو پيش آيو، ٻئي ڏينهن تي انگلينڊ کي پاڪستان هٿان ٻي ٽيسٽ ۾ شست ملي. هو گذريل هفتي پاڪستان جو دورو ڪرڻ بعد برطانيا واپس آيو آهي، بين اسٽوڪس ڪجهه چوري ٿيل شيون جون تصويرون پڻ جاري ڪيون، جن ۾ هڪ ميڊل، ٽي هار، هڪ منڊي ۽ هڪ ڊزائينر بيگ شامل آهن.