اڻپورا يا بوگس دستاويز رکندڙ مسافر کي هرگز سفر جي اجازت نه ڏني ويندي :محسن نقوي

وفاقي گهرو وزير محسن نقوي چيو آهي ته اڻپورا يا بوگس دستاويز رکندڙ مسافر کي هرگز سفر جي اجازت نه ڏني ويندي، مڪمل ستاويز رکندڙ مسافر کي سفر کان نه روڪيو پيو وڃي نه ئي روڪيو ويندو. وفاقي گهرو وزير محسن نقوي لاهور ايئرپورٽ جو دورو ڪيو ۽ مسافرن جي اميگريشن عمل جو جائزو ورتو. وفاقي گهرو وزير اميگريشن ڪائونٽرن تي مسافرن جي ٽريول هسٽري کي سڃاڻپ ڪارڊ ۽ پاسپورٽ سان ڳنڍڻ جي نظام جو مشاهدو ڪيو، تيز رفتار سسٽم تي ڊائريڪٽر ايف آءِ اي ۽ سندس ٽيم جي ڪارڪردگي جي ساراهه ڪئي. محسن نقوي پرڏيهه ويندڙ مسافرن سان ملاقات ڪري اميگريشن پراسيس بابت پڇا ڪئي. وفاقي گهرو وزير پرڏيهه مان واپس ايندڙ مسافرن جي اميگريشن ڪائونٽرن تي به ويو، ان موقعي تي مسافرن اميگريشن پراسيس تي اطمينان جو اظهار ڪيو. محسن نقوي جو چوڻ آهي ته اڻپورا يا بوگس دستاويز رکندڙ مسافر کي هرگز سفر جي اجازت نه ڏني ويندي، مڪمل ستاويز رکندڙ مسافر کي سفر کان نه روڪيو پيو وڃي نه ئي روڪيو ويندو.