بلاول ڀٽو زرداريءَ ڊنمارڪ جي هم منصب سان قرآن پاڪ جي بيحرمتيءَ جي واقعن تي سخت خدشن جو اظهار

پرڏيهي وزير بلاول ڀٽو زرداريءَ ڊنمارڪ جي هم منصب سان قرآن پاڪ جي بيحرمتيءَ جي واقعن تي سخت خدشن جو اظهار ڪيو آهي. بلاول ڀٽو زرداريءَ پنهنجي ٽوئيٽ ۾ چيو آهي ته ڊنمارڪ جي پرڏيهي وزير لارس لوڪـَي راسموسن ساڻس فون تي رابطو ڪيو. پرڏيهي وزير موجب، هن ڊنمارڪ ۽ ٻين يورپي ملڪن ۾ قرآن پاڪ جي بيحرمتي جي واقعن تي خدشا ظاهر ڪيا. بلاول ڀٽو موجب، ڊنمارڪ جي پرڏيهي وزير ٻڌايو ته هو اهڙن واقعن جي مذمت ڪن ٿا ۽ مسلمان ملڪن سان رابطي ۾ آهن. پرڏيهي وزير بلاول ڀٽو زرداري وڌيڪ چيو ته هن ڊنمارڪ جي سفير کان مسلمانن جي جذبن کي مجروح ڪندڙ واقعا روڪڻ جو مطالبو ڪيو.