بلاول ڀٽو زرداري ن ليگ کي معيشت، چونڊ ۽ عدالتي سڌارن تي عمل بابت تجويزون پيش ڪري ڇڏيون

پ پ چيئرمين بلاول ڀٽو زرداري ن ليگ جي آجياڻي ۾  خطاب دوران معيشت، چونڊ ۽ عدالتي سڌارن تي عمل بابت تجويزون پيش ڪري ڇڏيون، سندس چوڻ آهي ته ڪجهه اهڙا سياستدان آهن جن جي سياست نفرت تي ٻڌل آهي، ڪجهه پارٽيون معاشري کي ورهائڻ جي سياست ڪري رهيون آهن، سموريون پارٽيون گڏجي مسئلن جو حل ڪڍن. اسلام آباد ۾ ن ليگ جي آجياڻي کي خطاب ڪندي بلاول ڀٽو زرداري چيو ته قومي اتفاق راءِ سان جمهوريت ۽ پارليامينٽ کي فعال بڻائي سگهجي ٿو . بلاو ڀٽو زرداري جو چوڻ  ته پاڪستان ۽ عوام جا مسئلا سڀني جي سامهون آهن. هن چيو ته ن ليگ کي ڀرپور حمايت جي خاطري ڪرائن ٿا، معيشت، چونڊ ۽ عدالتي سڌارن تي عمل ڪيو وڃي. بلاول ڀٽو زرداري جو چوڻ هو ته سڀني کي گڏ ڪرڻ تي شهباز شريف جا ٿورائتا آهن.