جنرل باجوه ۽ جنرل فيض ويهي کانئن قانونسازي ڪرائيندا هئا : خواجه آصف

ن ليگ اڳواڻ خواجه آصف چيو آهي ته جنرل باجوه ۽ جنرل فيض ويهي کانئن قانونسازي ڪرائيندا هئا. ن ليگ جي پارلياماني اجلاس ۾ شرڪت دوران  پارليامينٽ هائوس ۾ ميڊيا سان ڳالهائيندي خواجه آصف چيو ته ان دور ۾ قانونسازيءَ لاءِ هو آءِ ايس آءِ جي ميس ۾ ويندا هئا. هن چيو ته سياسي استحڪام لاءِ رڳو سياستدان نه  ٻيا رانديگر به آهي، سڀني کي گڏ ٿيڻو پوندو. خواجه آصف چيو ته ان دور ۾ هو  آءِ ايس آءِ جي ميس تي ويندا هئا ۽ جنرل باجوه ۽ جنرل فيض ويهي کانئن قانونسازي ڪرائيندا هئا. هن چيو ته اهي ايف اي ٽي ايف بابت به قانونسازي ڪرائيندا هئا، ٻئي قانونسازيون فوج ۽ آءِ ايس آءِ جي مداخلت سبب ٿيون. خواجه آصف چيو ته ان ماحول ٻيو ڇا پئي ٿي سگهيو؟ جيڪو بگاڙ پيدا ٿيو، ان کي اڄ تائين ڀوڳيو پيو وڃي. ن ليگ اڳواڻ چيو ته صدر ٻه ڀيرا آئين جي ڀڃڪڙي ڪئي، عارف علويءَ تي آرٽيڪل 6 تحت غداري جو ڪيس هلڻ ۽ 9 مئي ۾ ملوث ماڻهن جو احتساب ٿيڻ گهرجي.