- Advertisement -
حيدرآباد ۾ لغڙ اڏائڻ دوران ڇت تان ڪرڻ سبب نوجوان فوت ٿي ويو.
آڏواڻي گھٽيءَ ۾ 20 ورهين جو نوجوان فيض ڇت تي لغڙ اڏائڻ دوران پير سلپ ٿيڻ سبب هيٺ ڪري پيو.
نوجوان کي ڳڻتي جوڳي حالت ۾ سول اسپتال منتقل ڪيو ويو جتي ڊاڪٽرن سندس فوت ٿيڻ جي تصديق ڪئي.
فوتي نوجوان جو مڙه ضروري ڪارروائي کانپوءِ وارثن حوالي ڪيو ويو، جيڪو گھر پهچائڻ تي ڪهرام مچي ويو.
ٻئي پاسي ايس ايس پي حيدرآباد عديل حسين چانڊيو واقعي جو نوٽيس ورتو آهي.
ايس ايس پي جي نوٽس وٺڻ بعد فورٽ پوليس پڪي قلعي واري علائقي ۾ لغڙن جا دڪان بند ڪرائي ڇڏيا.
- Advertisement -
