حڪومت ملڪ ۾ پرڏيهي سيڙپڪاري ۾ اضافي لاءِ ترجيحي بنيادن تي ڪم ڪري رهي  آهي: وزيراعظم شهباز شريف

چيني ڪمپني پاڪستان ۾ پنهنجي سيڙپڪاري کي وڌيڪ وسيع ڪرڻ ۾ دلچسپي جو اظهار ڪري ڇڏيو، وزيراعظم شهباز شريف جو چوڻ آهي ته حڪومت ملڪ ۾ پرڏيهي سيڙپڪاري ۾ اضافي لاءِ ترجيحي بنيادن تي ڪم ڪري رهي  آهي، چين پاڪستان جو پراڻو دوست ۽  ترقي ۾ اهم ڀائيوار آهي، هر ڏکي وقت ۾ مدد ڪرڻ تي  چيني قيادت ۽ عوام جا ٿورائتا آهن. وزيراعظم شهباز شريف سان چيئرمين وانگ جائيچينگ جي قيادت ۾ چيني ڪمپني جي ايم سي سي ٽونگسن ريسورسز جي وفد ملاقات ڪئي. ملاقات دوران چيني ڪمپني پاڪستان ۾ معدنيات ۽ ڪوئلي جي کاڻ جي کوٽائي واري شعبي ۾ پنهنجي سيڙپڪاري کي وڌيڪ وسيع ڪرڻ ۾ دلچسپي جو اظهار ڪيو. ان موقعي تي ڪمپني پاڪستان ۾ منرل پارڪ ٺاهڻ بابت بريفنگ ڏني ۽ وڌيڪ سيڙپڪاري جي منصوبي بابت آگاهه ڪيو، وزيراعظم چيني ڪمپني کي ڀليڪار ڪيو. وزيراعظم شهباز شريف چيو ته حڪومت ملڪ ۾ پرڏيهي سيڙپڪاري ۾ اضافي لاءِ ترجيحي بنيادن تي ڪم ڪري رهي  آهي، چين پاڪستان جو پراڻو دوست ۽  ترقي ۾ اهم ڀائيوار آهي، هر ڏکي وقت ۾ مدد ڪرڻ تي  چيني قيادت ۽ عوام جا ٿورائتا آهن.