حڪومت ۽ پي ٽي آءِ وچ ۾ رابطا بحال ٿي ويا آهن، ڳالهين لاءِ پارليامينٽ جو پليٽ فارم استعمال ڪرڻ جو فيصلو ڪيو ويو

حڪومت ۽ پي ٽي آءِ وچ ۾ رابطا بحال ٿي ويا آهن، ڳالهين لاءِ پارليامينٽ جو پليٽ فارم استعمال ڪرڻ جو فيصلو ڪيو ويو آهي. قومي اسيمبليءَ جي اسپيڪر اياز صادق سان،  پي ٽي آءِ چيئرمين بئريسٽر گوهر، مخالف ڌر جي اڳواڻ عمر ايوب ۽  صاحبزادا  حامد رضا ملاقات ڪئي. پي ٽي آءِ وفد اسپيڪر جي ڀيڻ جي وفات تي ساڻس  تعزيت ڪئي، ملاقات ۾ قانون وارو وزير، اعظم نذير تارڙ به موجود هو. ملاقات دوران اسپيڪر ڳالهين لاءِ پارليامينٽ جو  فورم استعمال ڪرڻ جي تجويز ڏني، جنهن تي ٻنهي ڌرين راضپو ظاهر ڪيو. اهو به طئه ڪيو ويو ته ڳالهيون ڪنهن به اڳواٽ شرطن کانسواءِ ٿينديون، ڳالهين جو مقصد سياسي عدم استحڪام ۽ هلندڙ ڇڪتاڻ ۾ گهٽتائي آڻڻ آهي. ڌريون جلد ڳالهين واري ڪميٽين جي ميمبرن جي نالي تي صلاح مشورا ڪندا.